Hringiðan býður upp á Internet tengingar um flest fjarskiptakerfi hér á landi. Ljósleiðarann yfir kerfi Gagnaveitu Reykjavíkur ásamt því að bjóða Ljósleiðara, Ljósnets (VDSL) og ADSL tengingar yfir kerfi Mílu og ljósleiðara um minni dreifikerfi vítt og breitt um Ísland.

Leitarvélin hér að ofan sýnir þá Intertnet hraða sem eru í boði fyrir þitt heimili, ef þú ert ekki viss um hvaða hraða þú átt kost á eða vilt fara yfir hvaða tenging hentar þér hvetjum við þig til að hafa samband við okkur í 525 2400.

Þú hefur nokkra möguleika í sjónvarpsþjónustu.

Fyrir þá sem vilja horfa á RÚV og aðrar opnar stöðvar er kjörið að nýta sér það loftnetskerfi sem þegar er til staðar. Kostir við slíkt eru engin mánaðargjöld, allt sem þarf er nær oftast til staðar. Ókostir eru enginn aðgangur að læstum stöðvum og ekkert tímaflakk. Sjá meira á vefsíðu RÚV.

Sívinsælla er að nýta sér ekki línulega dagskrá heldur að styðjast við streymisþjónustur líkt og Netflix. Slík umferð telst til notkunar á Internetinu og er því kjörið að vera með ótakmarkað niðurhal ef nýta á streymi. RÚV hefur einnig gefið út forrit fyrir Apple TV4 þar sem hægt er að horfa á stöðina í háskerpu.

Síminn býður sjónvarpsþjónustu um ljósleiðara og ljósnetkerfi Mílu. Um ljósleiðara er hægt að tengja myndlykilinn í aðgangstæki og/eða router. Yfir sjónvarp Símans geturðu horft á íslenskar og erlendar stöðvar, horft á efnið aftur í tímann með tímaflakki og/eða frelsi ásamt því að leigja myndir og þætti á leigunni.

Vodafone býður upp á sjónvarpsþjónustu yfir Ljósleiðarann og yfir kerfi Mílu. Myndlykillinn er almennt tengdur beint í ljósleiðaraboxið, þegar sjónvarpsþjónustan er tekin yfir símalínu er myndlykillinn tengdur aftan í routerinn á porti 4. Yfir sjónvarp Vodafone geturðu horft á íslenskar og erlendar stöðvar, horft á efnið aftur í tímann með tímavél og/eða frelsi ásamt því að leigja myndir og þætti á leigunni.

Hringiðan er stolt af því að hafa verið fyrsta fyrirtækið til að bjóða upp á Gígabit (1.000Mbit) ljósleiðaratengingar til heimila á Íslandi.

Til þess að eiga kost á Gígabit þarf nýjasta týpa ljósleiðarabox að vera á staðnum. Ef þú ert með eldri týpu er hægt að panta uppfærslu en hún er þér að kostnaðarlausu. Uppfærslan er pöntuð í gegnum Hringiðuna.